Neyðarlínan bað um aðstoð vegna ófærðar á Öxnadalsheiði um klukkan hálf 10 í gærkvöldi og aftur um klukkan hálf 5 í nótt. Fóru 4 menn á einum bíl í gærkveldi og aðstoðuðu nokkra bíla sem voru fastir. Skilja varð einn bíl eftir sem var fastur utan vegar og var bílstjóri hans fluttur í bæinn. Í nótt fóru síðan 5 manns á 2 bílum og aðstoðuðu þá bíla sem voru í vandræðum.
Í gær voru björgunarsveitir á Norðulandi kallaðar út vegna vélsleðaslyss á Flateyjardal, um 1 km norðan við Heiðarhús. Fóru félagar í Súlum og fleiri sveitum ásamt sjúkrafluttningamönnum að slysstað þar sem hlúð var að hinum slasaða. Þyrla LHG flutti sjúklinginn síðan á sjúkrahús. Fóru sleðar, bílar og snjóbíll Súlna í útkallið ásamt nokkrum mannskap.
Í gær, 14. mars, var haldinn aðalfundur hjá Súlum. Á dagskrá voru venjuleg aðalfundarstörf, kosning í stjórn og nefndir og nýliðar teknir inn. Undir liðnum önnur mál voru endurskoðaðar reglugerðir sveitarinnar kynntar en þær verða brátt aðgengilegar á innra svæði félagsins og síðar ytri vef.
Lesa meira
Í gær var sveitin kölluð út vegna slasaðs breta á hálendinu. Fóru 5 vélsleðar og 3 bílar frá Súlum til aðstoðar auk tveggja bíla frá Dalbjörgu. Var talið að hann væri úlnliðsbrotinn eftir fall. Maðurinn er breskur og hugðist ganga á skíðum þvert yfir landið að norðan, suður í Vík, í fjáröflunarskyni.
Vel gékk að komast inn á hálendið þrátt fyrir nokkuð þungt færi. Þyrla LHG náði síðan í manninn og kom honum til byggða.
