Um okkur

Súlur, björgunarsveitin á Akureyri var stofnuð árið 1999 við sameiningu Hjálparsveitar skáta Akureyri, Flugbjörgunarsveitarinnar á Akureyri og Sjóbjörgunarsveitar S.V.F.Í. á Akureyri.

Súlur, björgunarsveitin á Akureyri er aðili að Slysavarnarfélaginu Landsbjörg og er markmið sveitarinnar að vinna að björgunar- og hjálparstörfum. Einnig að stuðla að auknum slysavörnum sem og aukinni fræðslu og kynningu á sviði öryggis- og björgunarmála. Sveitin gegnir mikilvægu hlutverki í skipulagi Almannavarna á Norðurlandi eystra.

Í Súlum eru skráðir hátt í 200 fullgildir félagar en samkvæmt skráningarkerfinu D4H eru 125 manns á útkallsskrá. Innan sveitarinnar eru starfandi 6 flokkar sem sérhæfa sig og sjá um búnað sveitarinnar og æfingar. Markmið Súlna er að eiga vel þjálfaðann mannskap sem er klár að takast á við krefjandi verkefni.

Sveitin er til húsa í um 1150 m 2 eigin húsnæði að Hjalteyrargötu 12 á Akureyri.

Samvinna við aðra viðbragðsaðila á svæðinu, svo sem lögreglu, slökkvilið og aðrar björgunarsveitir hefur verið með miklum ágætum undanfarin ár.

Sveitin er aðili að svæðisstjórn björgunarsveita á svæði 11 og fer þar með formennsku. Aðal stjórnstöð svæðisstjórnar er í húsnæði sveitarinnar sem og aðgerðarmiðstöð almannavarna.